Колеравая гама касцюмаў танцавальнага калектыву, які выступіў на канцэрце да Дня Перамогі, абурыла аўтара прапагандысцкага тэлеграм-канала «КрысолOFF», што займаецца цкаваннем апанентаў Аляксандра Лукашэнкі.
Танцоры выйшлі да гледачоў у чырвоных балахонах і чорных штанах. Прапагандысцкі рэсурс убачыў у гэтым намёк на ўкраінскую арганізацыю «Правы сектар».
«9 траўня, на плошчу Перамогі, у горадзе-героі Мінску, у год 80-годдзя вызвалення Беларусі, пасля выступу Бацькі — і выпусціць кардэбалет у палітры бандэраўскага чырвона-чорнага прапара… Ну хз, так сабе крэатыў, мякка кажучы», — абурыўся аўтар канала, прапанаваўшы для «поўнага камплекту» павесіць «куды-небудзь» яшчэ і бел-чырвона-белы сцяг.
Абурэннем прапагандыста ў сваім тэлеграм-канале падзялілася і прарасійская актывістка Вольга Бондарава, якая не так даўно назвала нявестку Лукашэнкі Ганну Сялук «змагаркай».